Hitzaldi-solasaldi honek proposatzen digu Gasteizko gizarte-bizitzan hain errotuta dauden elkarte gastronomikoen iragana ezagutzea, oraina ulertzea eta etorkizuna proiektatzea.

BOILUR Arabako Elkarte Gastronomikoen Federazioko ordezkariek gonbita egin digute elkarrekin hausnartzeko nola egokitu espazio horiek hiri berri eta askotariko baten erronketara. Urteetan izandako aldaketak, emakumeen eta gazteen parte-hartzea eta digitalizazioa aztertuko ditugu, gure hiriaren etorkizunean gune garrantzitsuak, inklusiboak eta biziak izaten jarraitzeko giltzarri gisa.