Tailer honetan elkarteen zerga kontzeptu eta betebehar nagusiak landuko dira, hizkera argi, erraz eta hurbilarekin. Oinarrizko kontzeptu ekonomikoak errepasatuko ditugu (fakturak, kobrantzak/ordainketak eskudirutan, lan kontzeptuak…), eta parte hartzen duten elkarteen zalantza fiskal eta ekonomikoei ere tartea emango zaie.

Edukiak:

Errolda/JEZ egoera; BEZa; lanaren, lanbideen eta alokairuen atxikipenak; sozietateen gaineko zerga; 347 eredua; faktura, faktura sinplifikatua, proformako faktura; aurrekontua eta albarana; ordainketak eta kobrantzak eskudirutan; oinarrizko lan-kontzeptuak (Tc1, Tc2…)

Emailea: Rubén García Acedo administrazio-kudeatzaile kolegiatua da, zerga- eta kontabilitate-arloan espezializatua. Autonomoei eta enpresei zerga-betebeharrak ulertzen eta betetzen laguntzen die. Fiskalitatearen ikuspegi argia du, elkarteen kudeaketa ekonomikoarekin sentsibilizatuta dago eta irabazi-asmorik gabeko erakundeen diruzaintzan ibilbide luzea du.