Arabako Artxiboa Arabako dokumentazio historikoa zaintzeko, sailkatzeko, kontserbatzeko eta zabaltzeko gunea da. Gaur egun, batez ere, Probintziako Artxibo Historikoaren funtsak daude bertan, notarioek eta Estatuko Administrazio Publikoak sortutako dokumentazioaz eta Lurralde Historikoko Artxiboaz osatuak. Artxibo horrek, bereziki, Batzar Nagusietako eta Arabako Foru Aldundiko dokumentazio historikoa biltzen du.

Bisitan artxiboko hainbat gune ezagutuko ditugu, erakunde honetan egindako lan nekeza, isila eta garrantzitsua erakutsiko digutenak. Bereziki jakin ahal izango dugu zer estrategia eta metodo erabiltzen diren dokumentu hondatuenen kontserbazio-arazoak konpontzeko.

Azkenik, Arabako historiari buruz hitz egiten duten dokumentu bakan batzuez gozatuko dugu, baita horienaskotariko formatu eta euskarriez ere: batzuk pergaminozkoak dira, beste batzuk paperezkoak, argazkiak, etab.

Trebatzaileak: Kalearte Turismo eta Kultura

Laguntzailea: Arabako Foru Aldundiko Artxibo eta Dokumentuen Kudeaketa Zerbitzua