Gasteizek ibilbide luzea du artearen munduari lotutako parte-hartze prozesuetan. Gure hiriko fatxada enblematikoetako horma-irudietatik telefono-kabinetako edo argiteria-kutxetako adierazpen berrietara.

Herritar eta artista talde desberdinek sormen prozesu parte-hartzaileen berri emango digute eta arte komunitarioak espazio fisikoa eta bertan bizi diren pertsonak nola eralda ditzakeen eztabaidatuko dute.

Parte hartzaileak:

• Verónica Werckmeister, margolaria, muralgilea eta Gasteizko Horma-irudien Ibilbidea proiektuaren zuzendaria
• Iparralde-Aranbizkarra kaleko heziketa programako kaleko hezitzailea, A.R.T.E.A proiektuko parte-hartzaile gazte batekin batera.
• Guztion Goikolarra Auzo Elkartea, Goikokoloreak proiektuaren bultzatzailea, besteak beste

Dinamizatzaile: Rocío López, argazkilaria, kultur kudeatzailea eta artista bisuala. Azken urteotan, Arabako Argazkilari Elkartea koordinatu eta Viphoto Fest argazki jaialdia zuzendu ditu.

El Pilar auzoko Kalez Kale VG – Kaleko Heziketa programaren kolaboratzaile gisa, 12 Nubes eta Pompa 945 proiektuen barruan argazkigintzarekin eta muralismoarekin lotutako hainbat jarduera kolektibotan parte hartu du.