Toponimia zertan datzan (leku-izenen ikerketa), izen hauen inguruan zer-nolako mitoak dauden eta denboraren joanaz nola bilakatzen diren batera aztertuko dugu. Toponimiaren ikerketak gure ingurua hobeto ulertzeko duen garrantzia ere aztertuko dugu.

Zergatik dute izen hori Aranak, Lakuak edo Borinbizkarrak? Judizmendi ala Judimendi da?

Jarduera honetan galdera hauei erantzuna ematen saiatuko gara.

Elena Martínez de Madina Salazar euskal filologoa, euskaltzaina eta onomastika dibulgatzailea da hainbat komunikabidetan. Gasteizko Toponimia lanaren bederatzi liburukien egilea da. Bertan, Gasteiz eta haren 64 herrien izenak ikertzen ditu, XIV. mendetik gaur egun arte. 28 urte igaro ditu lan hau osatzen. 2023an Urrezko Zeledona saria jaso zuen.