Gasteizko Udal Artxiboan gure udalerriko memoriaren zati handi bat gordetzen da. Funtsean, Udalak sortu eta jasotako dokumentazio administratiboa da, baina baita dokumentazio grafikoa ere (mapak, inprimakiak, argazkiak, etab.) eta tokiko ikerketen ondare liburutegian jasotako era guztietako argitalpenenak ere. Gure hirira eta bertako biztanleengana ikuspegi guztietatik hurbiltzeko informazio-iturri garrantzitsua da.

Proposatzen dugun bisitan, horri guztiari buruz hitz egingo dugu eta dokumentu originalak ikusteko aukera izango dugu; gure ondare dokumental aberats eta garrantzitsua osatzen duten bitxiak.

Laguntzailea: Pilar Aróstegui Udal Artxiboa