Udaletxera bisita gidatua eginez, Udala ezagutuko duzu: udal antolamendua (Alkatea, Udalbatza, Udaleko Gobernu Batzordea, alderdi politikoak…) eta administrazioarena (Departamentuak, Zerbitzuak eta Unitateak; Erakunde autonomoak…).

Bisita honen helburu nagusia herritarrei udalarekin loturiko gaien inguruko heziketa eskaintzea da, eta zehazkiago, udaleko erabakitze-organoen antolamendu, funtzionamendu eta konpetentziak landuko ditugu.

Eraikinaren hainbat espaziotako ibilbidean zehar, haren historia eta horretan lagundu duten pertsonak ere ezagutuko ditugu.