Hitzaldi hau bi aldiz berezia den une batean suertatuko da: alde batetik, Arabako Astronomia Elkartearen 40. urteurrena ospatzen ari garelako, eta, bestetik, eguzki-eklipse handiak gure zerura laster itzuliko direlako. Javier Armentia izango da hizlaria, Elkartearen bazkide sortzaileetako bat eta zientzia eta astronomia dibulgatzen hainbat hamarkadatako ibilbidea duena. Horrez gain, erreferentea izan da eta jarraitzen du izaten kosmosaren zale guztientzat Araba zein Espainia mailan.

Zibilizazioaren hasieratik liluratu dute gizateria eguzki-eklipseek. Araban eta Gasteizen fenomeno horrek historia bereziki esanguratsua du, iragan zientifiko oparoa eta astronomiaren ikusminez beteriko oraina lotzen dituena.

Hitzaldian, gure lurraldeko eguzki-eklipseen historia eta etorkizuna aztertuko ditugu, 1860ko gertaera zientifikotik hasi eta 2026tik 2028ra bitartean izango diren hiru eklipse iberikoen sekuentzia bikainera arte.

Javier Armentia (1962an jaioa Gasteizen) astrofisikaria eta zientzia-komunikatzailea da. Iruñeko Planetarioa sortu eta zuzendu zuen 30 urte baino gehiagotan zehar. Komunikabideekin lankidetzan aritzen da, eta “Trío de Eclipses 26-27-28”-ko aholkularitza zientifiko eta teknikoko batzordeko kidea da. divulgacion.trioeclipses.es(Beste leiho batean irekiko da)

Dinamizatzailea: Agustín Arrieta, astronomo amateurra eta Espainiako Astronomia Elkarteen Federazioak ziurtatutako astronomia dibulgatzailea.

Laguntzailea: Arabako Astronomia Elkartea