Udaletxera bisita gidatua eginez, Udala ezagutuko duzu: historia eta horretan lagundu duten pertsonak, udal antolamendua (Alkatea, Udalbatza, Udaleko Gobernu Batzordea, alderdi politikoak…) eta administrazioarena (Departamentuak, Zerbitzuak eta Unitateak; Erakunde autonomoak…).

Bisita honen helburu nagusia herritarrei udalarekin loturiko gaien inguruko heziketa eskaintzea da, eta zehazkiago, udaleko erabakitze-organoen antolamendu, funtzionamendu eta konpetentziak landuko ditugu.

Jardunaldi honetan, halaber, parte hartzeko organoen mekanismoak eta funtzionamendua ezagutuko ditugu; udalbatzaren erabakietan duten eragina, eta gutako bakoitzak nola parte har dezakegun modu aktibo batean gure udalerriaren eraikuntzan.