Ikuspegi autobiografikoa oinarri, Coraci Ruiz zuzendari brasildarrak jarraipena egin dio Noah seme nerabearen genero-trantsizioari. 2016tik 2019ra bitartean, elkarrizketak egin zizkion, identitatearen bilaketa sakon hura blaitzen zuten gatazkak, ziurtasunak eta ziurgabetasunak jorratzeko. Aldi berean, Coracik, umetatik ingurune aktibista eta feminista batean haziak, bere eraldaketa-prozesua bizi izan zuen: paradigma zaharrak hautsi zituen, beldurrei aurre egin zien, eta bere aurreiritziak desmuntatu zituen. Kontakizun pertsonal, eskuzabal eta zintzo batekin, generoaren, ezkontzaren, politikaren eta familien onarpenaren inguruko kontu sozial garrantzitsuak jarri ditu mahai gainean.

* Jatorrizko bertsioa portugesez, gaztelaniazko azpitituluekin.

Urtea: 2020

Iraupena: 77 min

Herrialdea: Brasil

Zuzendaria: Coraci Ruiz

Generoa: Dokumentala