Entzumena oinarrizko prozesua da  giza elkarrizketetan eta, ondorioz, ezinbestekoa egoki kudeatzeko harremanak  zein horietatik sortzen diren gatazkak . Askotan parean dugun pertsona entzuten dugu bere jarduna bukatzean guk zer esango diogun pentsatuz, lagun hori ulertzen saiatuz baino. Barne entzumenarekin ere arazoak izan ohi ditugu, hau da,jakitea zer geratzen ari zaidan.

Honi guztiari buruz  jardungo dugu lau orduko tailer honetan, entzumenaren artea lantzen saiatuko garen bitartean. Entzumena entrenatu, ikasi eta landu daitekeela ulertuta.

Helburuak:

• Beste pertsona interferentziarik gabe entzutea erraztuko duten tresnak garatzea.
• Hainbat entzumen-mota lantzea: hitzezkoa eta hitzik gabekoa, kanpokoa eta barnekoa.
• Entzutea zailtzen duten blokeo pertsonalak aztertzea, bai beste pertsonak entzutea zailtzen digutenak edo nork bere burua entzutea zailtzen dutenak.

Metodologia

Eduki teoriko zein  praktikoa izango duen tailerra izango da, aurkezten diren kontzeptuak bizipenetik jaiotako ikaskuntzaren bidez barneratzea bilatuko da. Gaiaren kokapen teorikoa aurkeztuko da, entzumenaren artea landu ahal izateko.Ulermen eraldatzailea errazteko, dinamika eta ariketa praktikoak eta bizipenekoak sartuko dira, ulermen intelektualaz gain, gaia modu globalean ulertzea ahalbidetuko dutenak.