Gasteizko Udalaren baliabide ekonomikoen zati handi bat dirulaguntzetara bideratzen da, pertsona eta erakunde publiko edo pribatuen eskaera sozial eta ekonomikoei finantza-laguntza emanez erantzuteko.

Sustapen-ekintza hori askotariko jarduera-eremuetan bideratzen da, besteak beste: kultura, turismoa, kirola, hezkuntza, gazteria, klimaren aldeko ekintza, lankidetza, herritarren partaidetza, gizarte-politikak, genero-berdintasuna, sustapen ekonomikoa, plangintza estrategikoa eta euskara.

Gasteizko Udalaren Dirulaguntzen Udal Ordenantza da udal-sustapenerako ekintza honen berezko arau-esparrua. Dirulaguntzen urteko deialdiek eta dirulaguntza izendunetarako hitzarmenek Ordenantza hori izango dute erreferentziazko lege-esparru gisa Vitoria-Gasteizko Udalean.

Hitzaldi honetan Ordenantzaren alderdi garrantzitsuenak aztertuko ditugu, baita haren inguruan sor daitezkeen zalantzak argitu ere.

Trebatzailea: Elvira Arcos, Vitoria-Gasteizko Udalaren Kontu-hartzailetza Saileko teknikaria.