HEI HITZALDIAK: Bioética y decisiones cotidianas. Mabel Marijuán
24 otsaila 2022- 18:30
Ekitaldia zuzenean jarraitu ahal izango da HEIren emisioen orrialdearen bidez.
Askotan galdetzen diogu geure buruari zer egin behar dugun edo ez, eta laguntza eske jotzen dugu maite ditugun pertsonengana, adituengana, antzeko esperientziak partekatzen dituztenengana eta abar.
Badakigu, hala ere, gure osasunaren, gaixotasunaren, sexualitatearen eta ugalketaren inguruko gaien gaineko erantzukizuna, azken batean, gure bizitzaren gainekoa, guri dagokigula.
Beste pertsona batzuengan konfiantza izateak eta haiek gure ordez erabakiak har ditzatela uzteak ez digu kentzen gurea eta ez beste inorena den erantzukizuna. Horregatik, merezi du zergatik eta nola egiten dugun aukera hausnartzea; hartara, saia gaitezke asistentzia-harremanen esparruan erabakiak hartzeko modua ulertzen. Horren haritik, bioetikak ―berriturik suspertzen ari den diziplina― halako kontuak joarratzen ditu
Horretaz guztiaz gogoeta egingo du Europa jauregian María Isabel Marijuán Medikuntzako doktoreak eta Euskal Herriko Unibertsitateko Medikuntza eta Erizaintza Fakultateko Bioetikako irakasleak. Bere jarduera profesionala zentratzen da Bioetika ikasketetan eta prestakuntzan, bai eta bere aplikazio praktikoan ere, osasun eta gizarte zerbitzuetako etika-batzordeen eta unibertsitateko ikerkuntzaren bitartez. Profesionalen prestakuntzan aholkulari eta laguntzaile aritzen da eta Gasteizko Udalaren kode etikoa sortzeko prozesua zuzendu du.
Informazio gehiago
Sarrera doakoa da aldez aurretik izena emanda. Online emisioa jarraitzeko ez da beharrezkoa izena ematea.
Izena emateko:
- Deitu honako elefonoetara: 010 edo 945161100
- Gizarte-etxeetako eta kirol-instalazioetako informazio-bulegoetan.
Noiz eman izena:
Otsailaren 14tik plazak bete arte
Izena eman duzu eta ezin zara joan:
- Deitu telefono honetara: 945 161 687
Horrela, beste lagun batzuk bertaratzeko aukera izango dute..
Jarduera bertan behera gera daiteke behar beste pertsonak izena ematen ez badu.
HEI Herritartasunerako Eskola Irekia egitasmoaren baitako jarduera