Jon Martinezek auzo-mugimenduak Gasteizen trantsizio garaian izandako zeregina azalduko du. 1976tik aurrera auzo guztietara zabaldu zen, eta kutsaduraren, ekipamendurik ezaren edo bizitzaren garestitasunaren aurka borrokatuz, ahalduntzerako eta auzokideen partaidetzarako akuilu izan zen; aldi berean, auzoetako gizarte-bizitza dinamizatu zuen, nortasun propioa emanez.

Jon Martinez Larrea (Vitoria-Gasteiz, 1983), UPV-EHUn Historian lizentziatua. Gaur egun Arabako trantsizioko gizarte-mugimenduei buruzko doktorego-tesia amaitzen ari da, batez ere langileen eta bizilagunen mugimenduari buruzkoa. Historia garaikideari buruzko hainbat biltzarretan parte hartu du, baita aldizkari akademikoetan ere, eta hainbat komunikabiderekin kolaboratu du.