Lur gainean, itzal azpian liburua ardatz, Leire Milikua Larramendi egileak eta Nagore Ruiz de Zarate Cantal abeltzainak bataren liburuko pasarteak eta bestearen bizipenak harilkatuko dituzte.

Liburuaren ardatz nagusia da emakume nekazarien parte-hartzea, batetik, erakusteko emakumeek sistema patriarkaleko edozein arlo eta eremutan dituzten egiturazko ezaugarriak partekatzen dituztela; eta, bestetik, ikusarazteko nola landatar eta nekazari izaerak zapalkuntza-geruza gehigarriak dakarzkien testuinguru urbanozentrista eta kapitalistan. 

Leire Milikua Larramendi (Abadiño, 1985), arkitektoa da Euskal Herriko Unibertsitatean graduatu ondoren, eta unibertsitate espezialista Agroekologian (UEU-EHU) eta Genero Berdintasunean (Universidad Europea Miguel de Cervantes). Freelance dabil lurraldearen eta biztanle/komunitateen arteko loturak berrezartzeko planak diseinatu, prozesuak eraiki eta horiek dinamizatzen. Bere ikerketa-lerro nagusiak agroekologia, elikadura-sistemak, landa-eremua, herritarren parte-hartzea eta generoa dira.

Nagore Ruiz de Zarate Cantal Nekazari eta Abeltzainen Sindikatuko zuzendaritza batzordeko kide da gaur egun.