HEI LAB: Zurrumurruen aurkako Estrategia – Zurrumurruen aurkako eta pertsonen aldeko egitasmoa
24 otsaila 2021- 17:00
Zer da Zurrumurruen aurkako Estrategia?
Eraldaketa sozialaren aldeko sentsibilizazio eta ekintza proiektu bat da. Bere helburuak ondorengoak dira:
- Herritarrak, banaka naiz erakundeetako ordezkari gisa inplikatu eta trebatzea, zurrumurruen aurkako agenteen sare bat sortzeko.
- Pentsamolde kritikoa sustatzea eta estereotipo, aurreiritzi eta zurrumurru faltsuen ondorio negatiboei buruz sentsibilizatzea, horretarako, aniztasunaren inguruko kontakizun negatiboak zalantzan jarriko dira eta ekintza berritzaileak eta parte-hartzaileak egingo dira.
- Agenda politikoan eta sozialean eragitea, aurreiritziak murriztea eta diskriminazioari aurre hartzea hiriaren helburu kolektibo oso garrantzitsua dela onartzeko.
Tailer honetan:
Estereotipoak sozialki eraikitzeko prozesu indibidualak eta kolektiboak zeintzuk diren jakiteko helburuarekin elementu teorikoak eta praktikoak konbinatuko ditugu. Horretarako, identitatea, pentsamendu kategorikoa, estereotipoa, aurreiritzia eta diskriminazioa bezalako kontzeptuak jorratuko ditugu, bai eta guzti horiek zalantzan jartzen lagun diezaguketen dinamikak ere, esperientzia eta emozioa txertatuz.
Xehetasunak:
Eguna: otsailaren 24an
Ordutegia: 17:00 – 18:30
Hizkuntza: gaztelania
Nori zuzendua: herritarrei
Lekua: Landatxo gizarte etxea
Izen ematea: Sarrera doan, aurrez izena emanda.
Informazio gehiago
Sarrera doan, aurrez izena emanda. Izena emateko moduak: hemen edo 010 telefonora deituz (edo 945 161 100 zenbakira, hiritik kanpo deituz gero) eta aurrez aurre Herritarren Arretarako Bulegoetan.
Izena emateko epea 2021eko urtarrilaren 27an irekiko da. Eskolako jardueretarako lekuak izena eman den ordenaren arabera esleituko dira.
Izena eman baduzu, baina azkenean ezin baduzu jardueran parte hartu, jakinarazi iezaguzu hura hasi baino lehen, 945 161687 telefono-zenbakira deituta edo heieskola@vitoria-gasteiz.org bidez. Baja emanez gero, beste pertsona batek bete ahal izango du zuk libre utzitako lekua.
Izen-emateen gutxieneko kopurura iristen ez diren jarduerak bertan behera gera daitezke.
HEI Herritartasunerako Eskola Irekia egitasmoaren barruan jasotako jarduera